jueves, 15 de marzo de 2012

He's a Pirate!

        
         Velaquí a nova canción que vai empezar a practicar o alumnado de 3ºESO C, "He's a Pirate", da BSO do filme Piratas do Caribe, nun arranxo para frautas, placas, percusións e piano. 
         Á abordaxe...!

jueves, 8 de marzo de 2012

I'm a Believer!

            
     O Coro empeza cunha nova canción. 

        Mentres continúan os ensaios de "Jueves", de La Oreja de Van Gogh, ímoslle collendo o ritmo a "I'm a Believer" 

          Este tema compúxose para o grupo The Monkeys (1966), e fai uns anos, Smash Mouth fixo unha nova versión. Esta colleu sona pola súa aparición na BSO do filme Shrek.

                   Tamén en 2º da ESO comezan os ensaios para interpretar un arranxo deste tema musical, no que intervirán frautas, xilófonos, metalófonos, percusión...ademais das voces.

domingo, 4 de marzo de 2012

Coplas de Entroido 2011

Grupo de 2º ESO - CPI Laureano Prieto - Curso 2010-2011

            Pasou xa un ano pero hoxe volvemos a recordalo: no curso anterior, un grupo de rapaces de 2º da ESO do CPI Laureano Prieto (A Gudiña) lanzábase á aventura creativa de inventar coplas populares de entroido. 
            Este ano, outro grupo de rapaces de 2º da ESO do IES Santiago Basanta Silva comeza o reto de crear as súas propias letras de canción pop-rock, algúns deles incluso completarán o proceso coa gravación dos temas musicais.
          Os dous procesos, distanciados no tempo, teñen moita semellanza, e a creatividade nace tamén a partir da aprendizaxe sobre experiencias anteriores. Ó final desta entrada fica o enlace para poder ler e descargar as letras que xurdiron na Gudiña. Pronto teredes tamén as cancións rematadas deste curso.