Coplas de Entroido 2011

Grupo de 2º ESO - CPI Laureano Prieto - Curso 2010-2011

            Pasou xa un ano pero hoxe volvemos a recordalo: no curso anterior, un grupo de rapaces de 2º da ESO do CPI Laureano Prieto (A Gudiña) lanzábase á aventura creativa de inventar coplas populares de entroido. 
            Este ano, outro grupo de rapaces de 2º da ESO do IES Santiago Basanta Silva comeza o reto de crear as súas propias letras de canción pop-rock, algúns deles incluso completarán o proceso coa gravación dos temas musicais.
          Os dous procesos, distanciados no tempo, teñen moita semellanza, e a creatividade nace tamén a partir da aprendizaxe sobre experiencias anteriores. Ó final desta entrada fica o enlace para poder ler e descargar as letras que xurdiron na Gudiña. Pronto teredes tamén as cancións rematadas deste curso.

Escoiten señor@s, escoiten

o que aquí se vai contar,

coplas de Entroido do alumnado

de Segundo da ESO A.

Sonlles coplas populares,

e así se quixeron respectar

os dialectalismos e verbas variadas

que ós rapaces lles deu por usar.

Non se ofendan nin o tomen

en ningún momento a mal,

que todo é unha broma

argallada pra se mofar.

Mais escoiten, señor@s, escoiten

o que estes moz@s din,

que baixo a troula e a farsa

moitas verdades eu vin.

Rimaron os versos a eito,

ironía e crítica á par,

que para iso está o Entroido,

pra facer a copla popular. 

E aquí llas deixo pra sempre,

desde o CPI Laureano Prieto,

e verán que creativos

son os rapaces de 2º da ESO

 Consulta AQUÍ as coplas de entroido