Linguaxe musical: ritmo, pulso e acentos, os compases de subdivisión binaria

En Música, chamamos pulso á unidade básica para medir o tempo, son como golpes constantes que están na base das cancións (poden ser máis rápidos, lentos, intermedios...dependendo da velocidade da peza, que se chama Tempo) 

Para identificar o pulso dunha canción proba a dar golpes constantes coa man ou o pé (non te pases coa forza!)

Cando se fai música, colocando os acentos créanse patróns ou secuencias repetitivas con estes pulsos. por exemplo:

1. acentuando o primeiro de cada 2 (ritmo binario, compás de 2/4), 
2. acentuando o primeiro de cada 3 (ritmo ternario, compás de 3/4) 
3. ou acentuando o primeiro de cada 4 (ritmo cuaternario, compás de 4/4)

 

Así é como obtemos os compases. Compás é a división do tempo en partes iguais. O 2/4, 3/4 e 4/4 son un tipo de compases que chamamos de subdivisión binaria (xa que cada pulso do compás se pode dividir á súa vez en 2)

Para entendelo mellor imos reproducir un vídeo explicativo de Jaime Altozano 

                                        (Non esquezas empregar os teus auriculares)

Intenta agora marcar o pulso dunha canción que che guste; 

¿identificas os acentos?, ¿que compás sería?