Cantando ópera!

 Enténdese canto lírico coma o conxunto de técnicas vocais empregadas para cantar o repertorio de música docta, ou o que coñecemos como "música clásica" 

Hai grandes exemplos no mundo do canto lírico, como foi a soprano María Callas. Aquí podédela ver cantando a aria "O mio babbino caro" da ópera "Gianni Schicchi", de Giacomo Puccini e Giovacchino Forzano:

Ou o tenor Luciano Pavarotti, que no seguinte video aparece cantando "Nessun dorma", aria da ópera "Turandot". tamén coa música de Giacomo Puccini e libreto de Giuseppe Adami e Renato Simone, e que aparece en tantas Bandas Sonoras de películas, en momentos áxidos, coma no filme "Bend it like Beckham" (Quiero ser como Beckham):

 

Pero entón que é isto de "aria"?, pois para entendelo mellor veremos un vídeo no que aparece un recitativo (parte falada, ou cantanda coma se falase) seguida dunha aria que seguro vos soa (a canción, peza musical máis elaborada e emotiva, onde os solistas poden lucirse vocalmente) Pertence á ópera bufa Il barbiere di Siviglia ("O barbeiro de Sevilla"), de Gioachino Rossini e Cesare Sterbini. 

A trama narra as peripecias dunha parella de namorados, o conde Almaviva e a xoven Rosina, quen tamén é pretendida por Bartolo, titor da rapaza. Para evitalo a parella válese da axuda do barbeiro Fígaro, quen crea enredos para enganar a Bartolo e conseguir a unión da feliz parella. Neste anaco podedes ver o recitativo de Fiorello, servo do conde (baixo) e Lindoro, conde de Almaviva (tenor), que agarda para ver á súa amada, e a aria de  "Largo al factotum" de Fígaro (barítono) onde anuncia o seu negocio e servizos:

Neste caso continuamos coas voces femininas, a de mezzosoprano, unha voz intermedia coa que se poden interpretar arias como a "Habanera" da ópera Carmen, do compositor francés Georges Bizet (século XIX), cantada por Silvia Hauer.

E neste caso a mesma aria, pero representada para un fime, coa voz da soprano Julia Migenes e con subtítulos.

E por último vexamos tamén as tres voces femininas en contraste. Nesta ocasión a diferencia entre Soprano, Mezzosoprano, y Contralto. Luciana Serra, soprano, canta "Der holle rache". Anna Caterina Antonacci, mezzosoprano, canta "Habanera", e Marian anderson, contralto, canta "Ave Maria"