Xa temos audio para o Lipdub que faremos no IES Carlos Casares, trátase de Caminante, a canción de Bongo Botrako, pero ampliada para poder recorrer o centro (con momento en silencio incluído, para cantar un anaco en directo!)
O ensaio da gravación levarase a cabo o derradeiro luns pola tarde de abril (29 de abril) e a gravación final o luns pola tarde seguinte (6 de maio) En breve repartirase a tod@s un guión coas actividades e posicións de cada quen. Nas vindeiras semanas comunicade as vosas propostas e ideas a través d@s titor@s, o alumnado de Música de 1º de BAC ou a profesora de Música.
O coro apúntase ó Rock e ós Musicais! Así que, no Taller de Canto e Expresión Corporal rematamos Febreiro empezando con Californication, dos Red Hot Chili Peppers, e tamén a versión castelán de Summer Nights (musical Grease), "Noches de verano", que en Viana empregaremos no Musical que estamos preparando...
O Día da Paz celebrouse en Viana dun xeito especial. Despois dunha introdución na que Susana Fernández, a coordinadora do Equipo de Mediación do IES, reflexionou sobre como a violencia só xera máis violencia, e a necesidade de atopar vieiros de cooperación neste mundo, levamos a cabo un acto cheo de teatro e música.
Despois destas datas cheas de celebracións e festexos, xa están aquí os vídeos resumo e as fotografías do Xoves de Comadres e as actividades organizadas desde CPI Laureano Prieto, e tamén as imaxes do venres e o desfile de Disfraces!
Podedes descargalo na Aula Virtual do IES Carlos Casares, no apartado de Actividades Extraescolares, premendo en "Coro", na actividade 3. Velaquí o enlace: 
