Creando instrumentos 4: o tambor

Pode que sexa un dos instrumentos máis antigos da humanidade, primitivo e fundamental na música. A percusión necesita os membranófonos, son puro ritmo!, e nós imos crear un deles.

1. O corpo sonoro.

Calquera tubo ríxido, bote, obxecto cilíndrico que non uses pode servir:

-Botes de colacao, nesquik, etc.

-Botes de pintura.

-Botellas anchas de plástico.

Como vedes, neste caso empregamos un bote plástico longo e ancho, ó que lle sacaremos a tapa superior. Se o tubo non tivese orificio en ningún dos lados, habería que sacarllo, porque necesitamos poñerlle unha...

2. Membrana. É a alma do tambor, sen ela non vai soar, e se non está tensa tampouco. De novo múltiples opcións: plástico, tela, plástico film, globo grande, etc.

A única condición é que permita tensalo sen romperse, ten que ser elástico e resistente á vez. Para o exemplo usaremos un plástico groso, do tipo que envolve os packs de botellas de auga.

E aquí vén o paso máis importante: tensar a membrana! 

Dedicádelle tempo e tomádeo con paciencia, porque a tensión da membrana é o detalle que nos dará un bo son como tambor.

Colocamos o corpo do tambor sobre o material da membrana e debuxamos un círculo neste, 3 cm. máis ancho que a circunferencia do noso tubo. Imos necesitar marxen para suxeitar a membrana.

A este círculo debuxámoslle pestanas: triángulos que recortaremos coas tesoiras e nos permitirán pegalo mellor ó borde do corpo sonoro.

Colocamos no borde do tambor algún adhesivo para ir pegando e tensando a membrana. Funcionan moi ben a cinta de dobre contacto: pégase primeiro ó tambor por un extremo e logo sacamos o protector exterior e imos pegando pouco a pouco a membrana. Se non, podemos usar cinta adhesiva normal, colocándoa coa parte adhesiva para fóra, e pegándoa ó tambor con cola ou pegamento forte.

Iremos pegando a membrana á cinta adhesiva tirando ben dela coas mans, que non lle queden engurras na superficie e a vexamos ben tirante.

E por último aseguramos o borde con cinta adhesiva transparente, para que a membrana non se solte ó tocar.

3. Decoración

De novo a imaxinación ó poder, porque a superficie do tambor permítenos usar todo tipo de materiais: 

-pinturas, papel, pegatinas...

 

E só nos queda desfrutar coa percusión do noso tambor, crea ritmos e busca diferentes sonoridades!

¿Sabías que o grupo "Les Luthiers", grandes músicos e cómicos arxentinos, crearon uns bongós a partir de taburetes??

Mírao na súa páxina de "Instrumentos Informales" e asómbrate coa cantidade de instrumentos raros que crearon!

Instrumentos Informales de Les Luthiers