Preparando o Samaín...

 

Audicións deste inicio de curso

 Velaquí algunhas das audicións que estamos a escoitar estes días, coma sempre empezamos as aulas sentindo, facendo unha pausa para respirar e mirar adentro, para desconectar das présas da xornada e situarnos.

Empezamos no IES Fontexería de Muros!

 Un novo curso empeza e neste 2025-2026 e toca aterrizar no Fontexería, un cole a carón do mar, en Muros,  unha vila chea de música. 

De aquí saíron grupos como The Rapants ou Maestro. Na súas rúas e na Escola de Música xéranse inquedanzas musicais que esperamos axudar a cultivar desde as aulas de Música.

Imos alá!, the show must go on... 

Deica sempre!

 Outro curso máis remata, 

o 2024-2025, 

desta volta no IES de Valga, 

a carón dun piñeiral, no alto do centro, pois alí estaba a aula de Música, no faiado.

Notámolo moito estas últimas semanas, pois a ola de calor non deu tregua, e nin abrindo as ventás había xeito de respirar. Pero aínda así, a música continuou ata o final, pois a música, a danza, o canto...o arte non debe cesar.

Foi un curso fermoso, cheo de emocións e aprendizaxe. Volvín a ser titora, cos desafíos que conleva, e volveu a organización de festivais, lipdub, danzas polo centro...

Quero dar as gracias, a cada un de vós, porque sempre me levo moito dos coles nos que traballo. Por esta aula que agora está baleira pasastes deixando a vosa pegada, gracias por compartir comigo os vosos pensamentos, inquedanzas e incluso loucuras. O corazón medra e soña co canto colectivo que fiamos entre tod@s!

Tanto @s rapaces coma @s mestres (pois á fin e ó cabo tod@s somos un pouco mestres e un pouco rapaces, aínda que xa nos saian canas...), quero darvos as gracias a tod@s, tamén polos conflitos, as diferencias de opinión, as discusións... Os coles non serían coles sen que ás veces teñamos desacordos, e de aí xurde moitas veces a maxia e as grandes ideas, os cambios que son tan necesarios.

O derradeiro día de clase, cando cheguei á aula, atopeime os carteis que fixeramos ó principio arrincados. A "Participación", "Respecto", "Escoitar"...todos caídos e algúns un pouco destrozados. Unha parte de min sentíu decepción e incluso algo de rabia, pois aqueles carteis iniciais, pensei, significaban as nosas intencións, os valores da clase, os pilares nos que construír a aprendizaxe. Pero tamén puiden ver o desafío, a roda eterna nas que nos movemos o presorado, porque cada vez que acabamos un curso hai que volver a empezar. E acordeime da escena final de "Rebelión nas aulas", na que o profesor interpretado por Sidney Poitier, cando xa conseguira chegar a conectar cun alumnado difícil e "rebelde" como di o título, encóntrase cos seus alumn@s do curso seguinte, e ve que o seu labor volve a empezar irremediablemente.

Marcho, e desta vez voume a carón do mar. "A que viu do mar", alcumáronme tempo atrás, nun centro perdido na serra ourensá. Agora toca regresar, despois de percorrer Galicia de cole en cole.

Gracias Valga por todo o que me diches este curso, deséxovos o mellor a cada un de vós!, 

e se os nosos camiños se volven a cruzar, e o tempo pasou e os nosos rostros cambiaron, agardo que paremos un intre e falemos da vida, e traiamos de volta algunha lembranza compartida. Porque ó final, o máis importante, é que nos queden recordos, e que nos alegremos do que deixamos atrás.

Deica sempre!

LipDub de 4ºESO!

 

Rostiboli Giogioso e danza prehistórica

Aquí está o audio para o baile renacentista que bailamos en 3º, Rostiboli Giogioso:

 

E o audio para o baile prehistórico:

 

 

AUDIO LIPBUB 4ºESO

 No IES de Valga o alumnado de 4ºESO está orgaizando un Lipdub para despedirse do centro na súa graduación!, aquí está o remix que empregaremos para crealo, premede na imaxe e a disfrutalo!:

 

Raíñas e guerreiras!

 Aquí está a versión que fixo o alumnado de 1ºde Bacharelato de Linguaxe e Práctica Musical do IES de Valga, do tema musical "Reinas" de Ruth Lorenzo e Tanxugueiras, con motivo do Día Internacional da Muller, o 8M.

 "Raíñas" fala das mulleres e da súa forza, das nais, guerreiras e loitadoras, das que non teñen medo de mostrarse e que levan desde tempos ancestrais aturando que as calen. É tempo de alzar a voz e berrar!

Tamén podedes ecoitalo en Soundcloud seguindo e enlace: Raíñas - 8M

VocalRemover, crea os teus propios karaokes!

 Quen non se puxo algunha vez karaokes de youtube para cantar as súas cancións favoritas?, o malo é que ás veces non atopamos algúns temas e devecemos por cantalos... 

Pero coa ferramenta online e gratuíta de IA, VocalRemover , podedes sacar as voces de calquera canción que queirades! 

Premede no enlace ou na imaxe e probádeo!

Cantando ópera!

 Enténdese canto lírico coma o conxunto de técnicas vocais empregadas para cantar o repertorio de música docta, ou o que coñecemos como "música clásica" 

Hai grandes exemplos no mundo do canto lírico, como foi a soprano María Callas. Aquí podédela ver cantando a aria "O mio babbino caro" da ópera "Gianni Schicchi", de Giacomo Puccini e Giovacchino Forzano:

Ou o tenor Luciano Pavarotti, que no seguinte video aparece cantando "Nessun dorma", aria da ópera "Turandot". tamén coa música de Giacomo Puccini e libreto de Giuseppe Adami e Renato Simone, e que aparece en tantas Bandas Sonoras de películas, en momentos áxidos, coma no filme "Bend it like Beckham" (Quiero ser como Beckham):

 

Tarefa 3ºESO venres 17 de xaneiro

 Estes días estivemos aprendendo que partes do meu corpo emprego cando uso a voz ou o canto, agora tócache crear o teu debuxo dos catro sistemas implicados na produción da voz. Para iso podes consultar o artigo de anatomía do canto: 

Cantamos con todo o corpo!

E tamén buscar en internet imaxes ou gráficos que che axuden

Recorda que no teu esquema debes diferenciar os 4 sistemas: respiratorio, fonador, resoador e articulatorio

Indica os elementos principais de cada sistema dos que falamos en clase.               

Xúntate co teu grupo de canto nun ordenado e creade 1 debuxo por grupo en equipo, que sexa feito entre tod@s.

As cordas vocais

 Como xa vimos, a nosa voz orixínase nese marabilloso instrumento musical co que nacemos e que se atopa na nosa larinxe: as cordas vocais. Ímolas coñecer un pouco máis a través destes vídeos:

A Capella

 O canto a capella é un xeito de cantar sen acompañamento instrumental, e ten moita relación co que xa vimos do beatboxins, de feito moitas veces ambas disciplinas actúan xuntas. Neste caso, xeralmente son varios cantantes os que a interpretan, resultando nunha polifonía coral, con moita técnica vocal implicada.

As súas orixes remóntanse á época antiga e tense posto "de moda" nas últimas décadas debido ó auxe dos grupos a capela no ámbito dos campus estadounidenses e por todo o mundo. Unha das películas musicais que o popularizou foi a saga de Pitch Perfect ("Dando la nota", en España) como no seguinte vídeo:

Beatboxing

 O beatboxing é un estilo de canto que crea percusións vocais e intenta imitar instrumentos musicais ou calquera tipo de son. É asombroso ver como as persoas que o practican poden chegar a crear varias voces á vez, e como as posibilidades do noso aparello fonador son incribles.

Aquí tendes a Dava, un rapaz de Vigo subcampión de Loopstation na Spanish Beatbox Battle, facendo un solo de beatboxing:

E a Juls, valenciana campiona da Spanish Beatbox Battle feminina:

Tarefa 1º BACH xoves 9 de xaneiro

 

Rapaces, empezamos a parte de canto da nosa materia, e aquí vos deixo os enlaces para ler hoxe:

Cantamos con todo o corpo!: anatomía e fisioloxía básicas do canto

A cantar!: respiracións e quecementos vocais

Despois de lelos recordade que con esta información e outra que poidades atopar en rede debedes crear o voso debuxo ou esquema básico da anatomía corporal implicada no canto, desfrutade e adiante!