Chega o Nadal

Xa están aquí as ansiadas vacacións, e déixovos un villancico diferente para que non deixedes de cantar e reflexionar sobre todo o bo que queremos para o noso mundo.

¡¡Bo Nadal!!

Os cambios

Como a chegada de alguén moi especial pode cambiar a túa vída...

A historia da música clásica en comic!

 

Unha maneira distinta de achegarse 

á música clásica 

a través da banda deseñada, 

fai clic na seguinte imaxe 

e a viaxar polo tempo!:

José Mújica

José Mújica, ex-presidente de Uruguai, sempre deu exemplo do que di coa súa propia vida. 

Estamos tan afeit@s a escoitar discursos baleiros e falsos, que cando aparece alguén como Mújica non podemos máis que sacarnos o sombreiro. 

Porque se atreve a dicir as cousas claras. 

Rapaces, só temos un planeta, mirade o que facemos con el:

Música e cine

¿Que sería do cine sen a música?

Incluso nas súas orixes, o cine mudo tiña acompañamento musical en directo, 
e o son xa forma parte da nosa 
memoria cinéfila.

Non vos perdades esta selección de filmes coa música como protagonista, 
e que o cine vos faga soñar!:

http://www.educaciontrespuntocero.com/recursos/peliculas-musica-protagonista/34673.html

A música e o Universo

O espazo infinito que nos rodea 

e do que non somos sempre conscientes. 

O Universo cheo de estrelas, planetas, galaxias...

A ansia do ser humano de saber, coñecer...

E a Música, como linguaxe universal, quizais interplanetaria?

Quen sabe, pero o que si é certo é a cantidade de música que se inspira ou ten relación con todo ese mundo sen explorar. Por exemplo a suite "Os Planetas", de Gustav Holst, compositor inglés que compuxo estas 7 pezas (inspiradas nos 7 planetas Marte, Venus, Mercurio, Xúpiter, Saturno, Urano e Neptuno) durante os primeiros anos da 1ª Guerra Mundial.

Curiosamente, Holst non se inspirou no significado puramente astronómica, senón astrolóxica: os sentimentos e a influencia de cada planeta sobre nós...

Todo o que fai falta é forza de vontade!

Abraiante a historia de Mark Goffeney, 

non vos perdades estes vídeos. 

Moitas veces queixámonos e poñemos escusas para xustificar que non imos detrás dos nosos soños, e pasamos a vida así. 

Pero cando xente como Mark se cruza nos nosos camiños aprendemos que con forza de vontade podemos conseguir o que nos propoñamos!

¿Educar ou contra-educar?

¿Que é o que está pasando?

Deixamos atrás unha época de censura e restricións, e semella que nos pasamos ó outro extremo...

Confundimos querer ós nosos fill@s ou alumn@s con consentir e darlles todo o que desexen, sen deixar lugar para que aprendan a frustrarse, a ter paciencia, a aceptar as caídas e as derrotas. 

As mulleres e a música

Ou poderiamos dicir: 

as mulleres...e calquera ámbito do saber.

¿Onde están nos libros de texto?

¿Onde están nos manuais de historia da música occidental?

¿Non existiron mulleres músicas, directoras, compositoras, cantantes, intérpretes, bailarinas...?

Flashmob do Samaín!

Chegou o día....e todo saíu de marabilla!

O pasado venres 28 de Outubro o noso Instituto transformouse! 

Durante toda a xornada alumnado e profesorado vivimos en equipo os xogos deportivos, a exposición de cabazas do Samaín, a preparación das castañas e o seu desfrute, a venta de bocatas e bebidas dos rapaces de 4º, e a tan agardada visita das xogadoras e xogadores do Dépor, co noso incrible Uptown Funk Flashmob!

O noso vídeo do flashmob estase preparando con agarimo, pero mentres tanto aquí tedes a gravación que fixo o equipo do Deportivo do evento:

E aquí poderedes ver e descargar as fotos do evento:
https://goo.gl/photos/Unh92wtjnrBb5iVh7

¡Noraboa a tod@s @s que participastes!,  gracias pola vosa implicación e esforzo, pola colaboración e as ganas, ¡parabéns!

Uptown Funk Flahmob!

No IES de Viós cócese un proxecto que promete!, 

un flashmob, co tema de Bruno Mars "Uptown Funk", e inspirado na coreografía creada o ano pasado no programa El Hormiguero. Pero non vos confiedes, non é unha simple copia...haberá sorpresas!

O motivo vai ser o magosto do día 28 de outubro, e tamén a visita ó centro dos xogadores do Deportivo, por iso o noso flasmob terá como fío condutor os deportes e os seus valores.

Para repasar a coreo do Hormiguero, nada mellor que botar un ollo a este vídeo:

"Todo o mundo é un xenio"

Iso foi o que dixo Eintein, 

e Price EA protagoniza este vídeo, reivindicando un cambio na escola, tan necesario, tan urxente, como se estivésemos nun lugar cerrado respirando fume...

hai que abrir as fiestras.

Cambialo todo...cambiándome a min

¿Pode a miña realidade cambiar se cambio algo en min...?

Diso fala Juan Bautista Segonds, quen leva adiante accións solidarias co fin de promover a paz a través dos valores do rugby. Neste vídeo, que forma parte das conferencias TED, comparte historias que nos poden inspirar para resolver conflitos na non violencia:

A escola pode cambiar o mundo!

 Diso nos fala César Bona, profesor gañador do Teacher's World Prize nesta interesante entrevista. 

Clica na imaxe e accede á páxina de RTVE, onde poderás ver este capítulo de "La aventura del Saber":

RevolucionARTE!

¡Si!, revolucionemos a educación, porque é máxica, dinámica, porque está viva e necesita de ideas, creatividade, movemento!

Non podemos seguir ancorados no mesmo esquema que fai séculos, convertendo as escolas en fábricas, e as aulas en cadenas de montaxe....

En RevolucionARTE está o espazo para a innovación, para derrubar os vellos muros e deixar circular o libre pensamento.

Igual que debería de ser o mundo: 

tiremos abaixo coas fronteiras

sexamos libres

Ética: o meu espazo e o espazo d@s outr@s

No IES de Viós empezamos Valores Éticos este curso. 

A palabra "ética" provén do grego "ethos", que orixinalmente significaba "morada" ou "lugar onde se vive", e que terminou por sinalar o "carácter" ou "modo de ser" peculiar e adquirido de alguén, o seu costume.

Tolemias!

Tolemias é un portal e canle de Vimeo de actualidade musical.

Preme no seu logo e mergúllate nas novidades sonoras!

Motivación para empezar o curso!

Ás veces é difícil retomar as clases, vimos do verán, un tempo de lecer e liberdade, para meternos no horario estricto das clases...

Pero pode ser unha boa oportunidade para empezar de cero e plantexarnos: 

¿como quero ser eu realmente?, 

¿que pegada quero deixar no mundo, e tamén no meu cole, cos meus compañeiros e profes?

Este anuncio de Coca-Cola pódenos facer pensar en todo isto, vendo historias reais de xente que quixo marcar a diferencia.

Empeza o curso no IES de Viós

Outro curso empeza, e neste 2016 A Plena Voz viaxa ata Abegondo, ata un cole que non lle é totalmente descoñecido...

No IES de Viós haberá música, danza, canto, expresión corporal, e rock'n'roll!

Aquí no blog, na canle de Youtube, Soundcloud, Vimeo ou Picassa poderedes seguir os nosos eventos, consultar dúbidas, subir comentarios...animádevos a participar!

 Imos alá rapaces!

Feliz verán!

¡A Plena Voz marcha de vacacións!

Cerra este curso no CPI Cruz do Sar e volverá en setembro con máis música, bailes, creatividade, movemento...

¡¡A desfrutar do verán!!

Notas e despedida de 3ºESOB

Rematou o curso!,

e con el a titoría de 3ºESO B 

Nestas fotos de grupo só nos faltaba Icía, que apareceu máis tarde, pero tivémola presente!

Bo verán rapaces!,

que vos vaia moi ben e sexades felices nas vosas vidas!

Festival de fin de curso CPI Cruz do Sar

¡Xa está aquí o vídeo resumo do Festival de fin de curso do CPI Cruz do Sar!

Non volo perdades!

E aquí podedes ver e descargar as imaxes do día:

https://picasaweb.google.com/108203684039414403749/6300160068433841393

E tamén as imaxes da Big Band que nos agasallou cun concerto na Senra:

https://picasaweb.google.com/108203684039414403749/6300188701482434689

O coro do CPI Cruz do Sar

Algunhas das nosas cantantes marcharon a Roma!, 

pero neste vídeo podedes escoitar ó noso coro cantando ó completo, non volo perdades!

Bllywood fusión!

Outra nova vídeo-creación! 

Este baile creado por Leticia Antelo García, Iria Rosende Rodríguez e Andrea Cebreiro García de 4ºESO, xunto con Tamara Gesto López de 3º, e coa axuda de María Lagares Romay de 4º.

As cancións son "Des Ranguila" de Fanoa, e "Water Wet" de Plane Jaymes, con elas crean unha creativa fusión do estilo Bollywood e baile moderno.

Despedida de 4ºESO

O alumnado de 4ºESO despídese do centro con este incrible vídeo!, non o perdas: a base musical é o "I'm a Believer" na versión de Smash Mouth.

E tamén o podedes ver en Vimeo!:

https://vimeo.com/170797326

Novo sonigrama!

Un novo texto para o sonigrama 118!

A autoría é de Helena Galbán Rodríguez, Fernanda Fuentes Gonzaba, Brais López Fernández, Lorena Porto Álvarez e Uxía Paradela Mosquera, alumnado de 2º da ESO A do CPI Cruz do Sar, en Bergondo.

Aquí o podedes ler:

XA NON VOLVEU MÁIS

Érase unha vez unha feira:

Había moitísima xente, música de fondo, carriños de azucre, “perritos” quentes, globos...Despois de camiñar un pouco encontramos un carrusel con cabalos de madeira, nel estaban uns nenos chorando, pero en canto os cabalos rinchaban eles rían felices. De súpeto os cabalos cobraron vida e lentáronse do carrusel, correndo despavoridos! Os nenos ían enriba deles: levábannos a un paradeiro descoñecido...Todo isto non é un conto, senón que aconteceu de verdade. Seino porque Xoán, o meu irmanciño, xa non volveu con nós nunca máis.

E no seguinte enlace podedes escoitar o sonigrama lido pola presentadora do Diario Cultural, no últimos 5 min do programa:

http://www.crtvg.es/rg/podcast/diario-cultural-diario-cultural-do-dia-19-05-2016-2073586

Novas cancións!

Neste 3º trimestre xa estamos practicando novas cancións!

Velaquí tedes algunha axuda para poder escoitalas e practicalas:

Con 2ºA tocaremos "I'm a believer", 

a divertida versión de Smash Mouth:

 

Excursión 3º e 4ºESO

A excursión ó MUNCYT e ó Palacio da Ópera da Coruña deste martes 19 de Abril foi todo un éxito!

Co alumnado de 3ºESO A e B, e 4ºESO de Música, descubrimos unha chea de cousas no Museo Nacional de Ciencia e Tecnoloxía, e despois desfrutamos coa música de Soncello Quartet

Ser feliz

Jérôme Jarre, un emprendedor e estrela das redes sociais Vine e Snapchat, rexeita un millón de dólares. Non se sabe se a historia é realmente certa ou non, pero a súa reflexión sobre a felicidade e o sentido da vida si que nos fai replantearnos as cousas.

Hero

"Hero", a fermosa canción da banda de rock indie Family of the year, afincada en Los Angeles, que foi BSO do filme Boyhood, será a nosa seguinte canción en coro.

Concerto de Soncello

O vindeiro martes 19 iremos de excursión á Coruña co alumnado de 3ºESO e de 4º da optativa de Música. 

Visitaremos o MUNCYT, o Museo Científico, e despois iremos ó Palacio da Ópera a desfrutar dun concerto de Soncello Quartet. 

Se premedes na imaxe da dereita, podedes acceder ó seu blog e coñecer máis deste grupo, ou ir ó seu facebook co seguinte enlace:

https://es-es.facebook.com/SoncelloQuartet

Theremin e Gianni Luminati

"Walk off the Earth", o grupo canadiense do que forma parte o músico Gianni Luminati, fíxose famoso pola súa versión do tema de Goyte  (Somebody that I used to know) con 5 persoas tocando a mesma guitarra! Podedes velo na súa canle: Walk off the Earth

Pero hoxe tráiovos un tema con theremin, homenaxe ó rapeiro Snoop Dog, e feito con moito humor. Non volo perdades!:

Dytto!

Esta incrible bailarina e coreógrafa de dance nacida en Miami, Florida, de tan só 18 anos, crea bailes que che deixarán abraiad@!

Mira esta coreo presentada no "World of Dance" 2015, cunha versión dance da canción Barbie Girl de Aqua

Monsoon

A nosa seguinte canción en coro será "Monsoon", do cuarteto alemán Tokio Hotel. 

Lollipop!

Novas cancións en coro!

Continuamos agora cun popular tema escrito por Julius Dixson e Beberly Ross no 1985, LOLLIPOP, interpretado polo cuarteto The Chordettes.

Mira o vídeo e segue a letra!:

Historia do Rock 6: a década dos 90

Década dos 90

Grunge

-> Orixes: Teenage riot de Sonic Youth

Historia do Rock 5: a década do 80

A década dos 80

Raggamuffin

Under me sleng Teng de Wayne Smith (1985)

Historia da Música Clásica Occidental 5: o Clasicismo

O CLASICISMO

1. Introdución histórica

Fragmento do filme Goya en Burdeos (1999, Carlos Saura) onde se mostra ó pintor Francisco de Goya (1746-1828) encontrándose coa aristocracia española do momento, mentres soa o Fandango do Quinteto nº4 G448 de Luigi Boccherini (1743-1805) Este compositor da Toscana foi chelista e compositor da Capela Real da Corte Española.

A mellor curta do mundo para fomentar a lectura!

Apaixóate ler?, pode que inda non o saibas...

Historia do rock 4: a década dos 70

A década dos 70

Heavy rock

"Black Dog" de Led Zeppelin 

(1968/1980 - Jimmy Page - guitarra, John Paul Jones - baixo, Robert Plant - vocalista, John "Bonzo" Bonham - batería)

Historia da Música Clásica Occidental 4: o Barroco

O Barroco (1600-1750)

1. Contexto histórico e social

Clip do fime "María Antonieta" (2006) da directora Sofía Coppola, sobre a vida da raíña de Francia no século XVIII

Clip do fime "Alatriste" (2006) do director Agustín Díaz Yanes, baseada nas novelas de Pérez-Reverte, que mostra unha conversa ficticia entre o capitán Alatriste e Quevedo

Ola que tal!

Un novo exercicio a 3 voces para cantar! Veremos dous modos de entoar este diálogo e unha voz que soa como base (dubidubi...)

Voz 1 e 2

-Ola que tal?

que tal estás?

-Pois eu moi ben,

e ti que tal?

-Pois eu tamén!

-Mira que ben! 

Voz 3

Dubidubi dubidubi dubidubi du

Chanmak Challo!

E chegou o Bollywood!,

ese baile metade inventado, metade fusionado coas danzas tradicionais da India e con elementos pop, 

relacionado coa industria cinematográfica con maior produción do planeta, en hindi, e afincada en Mumbai.

Instrumentos musicais curiosos!

Do blog "PijamaSurf" chégannos estes instrumentos curiosos, unha selección dos 13 instrumentos musicais máis raros, produto da creatividade e, moitos deles, do desenvolvemento tecnolóxico. Bótalles unha ollada!

1. Contrabajo Balalaika

Desarrollado en Rusia en el siglo XVII, este instrumento triangular puede tocarse con los dedos o plumillas de cuero. Capaz de diferentes tonalidades según su tamaño, el balalaika puede encontrarse en versiones prima, secunda, alto, bajo y contrabajo, el más grande de todos.

Historia da Música Clásica Occidental 2: aparición da polifonía, Ars Antiqua e Ars Nova

Organum Duplum de Leonin (séculos XII-XIII)

Os instrumentos da orquestra

Hai un montón de recursos para poder estudar os instrumentos da orquestra e a súa clasificación, 

como este vídeo de Jaime Altozano que vos vai mostrando as familias da corda, vento e percusión, 

os nomes dos instrumentos máis significativos e como soan.

Historia da Música Clásica Occidental 3: o Renacemento

A Escola de Atenas, obra de Rafael (1483-1520), pintor e arquitecto, a orixinal e a versión "quen é quen"

Siyahamba!

En coro viaxamos a África coa canción Siyahamba, tradicional zulú. O seu título significa "camiñemos", e trátase dunha canción sudafricana que se popularizou nas igrexas estadounidenses na década dos 90. Aquí tedes a letra, moi sinxela e repetitiva:

Historia do Rock 3. Os 60, a "década prodixiosa"

Historia do Rock 3. 

Os 60, a "década prodixiosa"

Ike & Tina Turner "Fool In Love"e "Work Out Fine" (1965)

Excursión a Santiago!

Este chuvioso venres 12 de febreiro o alumnado de 2ºESO A e B foron a Santiago!

Desfrutamos dun concerto no Auditorio de Galicia, coa Filharmonía de Santiago acompañada do alumnado do Conservatorio. Interpretaron a Sinfonía nº5 de Franz Schubert.

Historia da Música Clásica Occidental1: A Idade Media

A Idade Media

1. Contexto histórico

Como se distribuía a poboación?

Repaso da Historia da Música occidental

Historia do Rock 2. Inicios: a década dos 50, o Rock&Roll

Historia do Rock 2. 

Inicios: a década dos 50, o Rock&Roll

"Rock around the clock", de Bill Haley & The Comets (1954)

"Shake, Rattle and Roll", de Big Joe Turner (1954)

Festival de Entroido 2016!

No CPI Cruz do Sar despedimos as clases para as vacacións de Entroido cun gran evento: 

un Festival que reuniu interpretacións instrumentais, danza, canto, karaoke...e incluso unha obra de teatro e un certame de Comparsas!

Tes tódalas imaxes do Festival no seguinte enlace:

https://picasaweb.google.com/108203684039414403749/CPICruzDoSarFestivalDeEntroido2016

E o vídeo resumo do Festival!

En Vimeo:

En Youtube:

O valor do esforzo

Desta volta non puido ser rapaces, o noso texto para o sonigrama 114 non gañou o certame do Diario Cultural...pero non vos desanimedes! 

O fracaso é parte da vida, tan importante coma os triunfos, e del pódese aprender un montón. Admitir os fracasos e saber encaixalos ben é a maior das sabedorías, unha aprendizaxe para a vida. Se sabemos aprender deles, continuaremos no noso camiño coas forzas redobradas, co ánimo fortalecido, aprendendo a poñelos na súa xusta medida e a seguir camiñando.

Imos ó Auditorio de Galicia!

O vindeiro 12 de febreiro, o alumnado de 2ºESO do CPI Cruz do Sar acudirá ó Auditorio de Galicia, en Santiago de Compostela, a desfrutar dun concerto: a sinfonía nº5 de Franz Schubert. Despois, visitarán a Catedral de Santiago e farán unha visita ás súas cubertas.

O concerto estará interpretado pola Real Filharmonía de Galicia e por alumnado do Conservatorio de Música de Santiago. Alí poderedes ver os instrumentos e seccións que compoñen unha orquestra clásica. Sabes cales son? 

Se premes na seguinte imaxe, accederás a un xogo no que terás que colocar os instrumentos no seu lugar:

O director do concerto será Diego García, aquí o tedes nun ensaio:

Schubert dando un dos seus recitais de lieder, composicións 
para voz e piano 

A obra, o concerto nº5 en Si bemol Maior foi composta a principios do século XIX por Franz Schubert, compositor austríaco, considerado o último gran representante do Clasicismo, que levaran ó seu esplendor compositores como Haydn ou Mozart (caracterizado pola procura do equilibrio e a proporción, a beleza harmónica, as estruturas claras e simétricas...); pero ó mesmo tempo iniciador do Romanticismo (no que impera a subxectividade, as melodías apaixonadas, intensa expresión de sentimentos, fortes contrastes...).

-> Escoitade con atención a sinfonía o vindeiro venres e pensade a cal corrente estética se achega máis: ó Clasicismo ou ó Romanticismo..?

Texto para o sonigrama 114

Alumnado de 2ºESOB participa no concurso do sonigrama 114, do programa de radio Diario Cultural, coa seguinte proposta:

"A invasión dos meus soños

Despois dun longo día empecei a notar algo de sono. Rex facía todo o posible para que non me durmise, mais...De súpeto, chegou unha nave alieníxena!, e eu tiña, misteriosamente, un sable láser na man. Abriuse a porta e decateime de que se levaran a Rex, así que decidín entrar...pero víronme os robots e empezaron a atacarme! Por sorte, liquidei un molesto robot, e oín a Rex queixándose. Alcei a vista, alí estaba o meu can, metido nun caldeiro!: lanceime cara a eles enfurecido e...soou o espertador. Tiña a Rex enriba miña, estaba ben: todo fora un soño."

Podedes escoitar aquí o sonigrama, nos últimos minutos do audio:

http://www.crtvg.es/rg/destacados/diario-cultural-diario-cultural-do-dia-19-01-2016-1747544 

E a lectura de Ana Romaní, a presentadora do programa, dos noso texto "A invasión dos meus soños":
http://www.crtvg.es/rg/a-carta/diario-cultural-diario-cultural-do-dia-29-01-2016-1773858

Moita sorte rapaces!

I gotta feeling: voces

Aquí podedes escoitar as diferentes voces da canción que estamos aprendendo en coro: I gotta feeling!

Preme nas voces e escóitaas en Soundcloud:

DUMMM DUM DUM...

GLIN GLIN GLIN GLIN....

Uuuuh uuuh...

I gotta feeling

PA PA PA PA...

Tonight's the night

I know that we'll have a ball

Fill up my cup + Let's do it

Canto a capela

Incribles as posibilidades da voz! 

Mirade o seguinte vídeo: cinco grupos que fan toda a súa música a capela, sen ningún instrumento. 

Impresionantes os últimos!: "Voca People"

Para crear as túas partituras, escoitalas, ou incluso descargar outras e poder editalas...nada mellor que o editor de partituras MuseScore. Se queredes descargalo ou ver as partituras que crearon outros usuarios, premede na seguinte imaxe:

Star Wars

A BSO de Star Wars 

re-versionada dun modo incrible e moi divertido!: 

a versión a capela que cantan o grupo "The roots", o humorista e presentador Jimmy Fallon, e gran parte do casting do filme. 

Cero instrumentos, todo voces!

Cups (When I'm gone)

Imos empezar a preparar Cups ou "When I'm gone" 

para o Festival de Entroido, 

unha canción da película Pitch Perfect (Dando la nota), 

así que non te perdas o videoclip orixinal de Anna Kendrick!

Podes practicar a letra co seguinte vídeo:

E a percusión do vaso con este outro!

Proactivo vs. Reactivo

No post "Descubrir os teus talentos" falabamos de ser proactivo, 
en que consiste iso? 

Fixádevos nestes exemplos:

Son actitudes moi distintas, verdade?

A persoa proactiva non lle bota a culpa do que lle pasa ós elementos que a rodean nin a outras persoas, responsabilízase dos seus actos e decisións, e é quen de xestionar as súas emocións. 

É normal que o que pasa ó noso redor nos afecte en certa medida, ou que haxa días nos que nos sentimos desbordados polas circunstancias, pero se isto é excesivo, ou se nos acontece cada día, convertémonos en monicreques, dominados polo exterior, e perdemos o control de nós mesmos.

 Nestes vídeos ídelo ver claro:

E ti?, como actúas normalmente?, como che gustaría actuar?