As escolas matan a creatividade

 Nesta charla TED de Sir Ken Robinson, pedagogo e escritor inglés, autor de títulos coma "Encontra o teu elemento", moi comprometido co ensino e o cambio da pedagoxía das escolas obsoleta, as intelixencias múltiples...., fala de como ás veces matamos a creatividade no sistema educativo, en vez de potenciala ou acompañar a búsqueda de cada ser humano, dese obxectivo vital ou ese lugar onde cada un de nós se pode sentir especial.

Ti que pensas?, as escolas matan a creatividade?

EDUcación SEXual

 Os datos son alarmantes: 

as agresións sexuais creceron un 116% nos últimos cinco anos e o 76,25% dos adolescentes consumen pornografía hardcore a través dos seus dispositivos móbiles. 

A terrible desinformación, a falta dunha educación sexual real máis alá do coñecemento da anatomía, os métodos anticonceptivos e a prevención das ETS, a necesidade dunha conversa fluída e continua na sociedade, sen prexuízos, sen vergoña. 

Documentais sobre a Educación

Na revista online Educación 3.0 sempre podemos atopar información valiosa e actualizada, pero especialmente interesante este artigo sobre filmes que tratan a realidade do ensino e as alternativas á educación tradicional que coñecemos.

¿Pode a escola ser un lugar pracenteiro para docentes e alumnado?, ¿hai outros modelos de ensino posibles? Vexámolo:

E que pasa cos docentes e a súa aventura no ensino? Pois velaquí van outras 65 películas que o teñen como protagonista:

Un curso diferente

Un novo curso empeza!, 

mais desta volta 

A Plena Voz inicia unha etapa diferente. 

Nova vida ábrese camiño, 

e á vez novas inquedanzas que levaban tempo adormecidas, agardando. 

Porque, en ocasións, non é certo o que nos din de que temos que atopar esa única vocación que nos apaixona, ese único interese. Moit@s temos múltiples intereses!, 

e ás veces a falta de tempo é o factor que determina telos aparcados. Ata que de súpeto chega o día no que podemos meternos de cheo neles, mergullarse e experimentar unha nova dimensión de nós mesm@s. 

A escritora e artista Emilie Wapnick explícao dun modo ameno no seguinte vídeo. Non volo perdades!

Ser profes no sistema educativo

De vez en cando saen voces de entre a escuridade, profesionais inquedos do ensino que falan A Plena Voz, que denuncian, claman ós ceos, verbalizan o silenciado... 

Non é sinxelo conseguir ser auténtic@s nun sistema moitas veces hostil. Ou levar ás aulas creatividade, amor, entrega...cando te atopas con tantos obstáculos. 

Unha profesora do IES Isidro de Arcenegui (Maarchena, Sevilla), Eva María Romero Valderas, escribiu en xaneiro esta liberadora carta, farta da falta de apoio da administración, da sociedade que cría rapaces consentid@s e tiran@s, de pais e nais hiper-esixentes...

Alike

¿É posible ser un mesmo nunha sociedade que busca a homoxeneidade, a masa pasiva e conformista?

Desfrutade desta fermosa curtametraxe sobre o amor, a búsqueda de un mesmo...Que nunca deixemos de escoitar a nosa música interior, que nunca nos volvamos grises!

José Mújica

José Mújica, ex-presidente de Uruguai, sempre deu exemplo do que di coa súa propia vida. 

Estamos tan afeit@s a escoitar discursos baleiros e falsos, que cando aparece alguén como Mújica non podemos máis que sacarnos o sombreiro. 

Porque se atreve a dicir as cousas claras. 

Rapaces, só temos un planeta, mirade o que facemos con el:

¿Educar ou contra-educar?

¿Que é o que está pasando?

Deixamos atrás unha época de censura e restricións, e semella que nos pasamos ó outro extremo...

Confundimos querer ós nosos fill@s ou alumn@s con consentir e darlles todo o que desexen, sen deixar lugar para que aprendan a frustrarse, a ter paciencia, a aceptar as caídas e as derrotas. 

"Todo o mundo é un xenio"

Iso foi o que dixo Eintein, 

e Price EA protagoniza este vídeo, reivindicando un cambio na escola, tan necesario, tan urxente, como se estivésemos nun lugar cerrado respirando fume...

hai que abrir as fiestras.

A escola pode cambiar o mundo!

 Diso nos fala César Bona, profesor gañador do Teacher's World Prize nesta interesante entrevista. 

Clica na imaxe e accede á páxina de RTVE, onde poderás ver este capítulo de "La aventura del Saber":

RevolucionARTE!

¡Si!, revolucionemos a educación, porque é máxica, dinámica, porque está viva e necesita de ideas, creatividade, movemento!

Non podemos seguir ancorados no mesmo esquema que fai séculos, convertendo as escolas en fábricas, e as aulas en cadenas de montaxe....

En RevolucionARTE está o espazo para a innovación, para derrubar os vellos muros e deixar circular o libre pensamento.

Igual que debería de ser o mundo: 

tiremos abaixo coas fronteiras

sexamos libres