Rostiboli Giogioso e danza prehistórica

Aquí está o audio para o baile renacentista que bailamos en 3º, Rostiboli Giogioso:

 

E o audio para o baile prehistórico:

 

 

Imos bailar!: o Renacemento

    Despois de termos viaxado á Prehistoria a través da Danza, toca avanzar un pouco coa nosa máquina do tempo ata chegar a unha época abraiante da nos Historia: 

o Renacemento

O Nacemento de Venus - Botticelli

    Este movemento cultural e intelectual dos séculos XV e XVI que se iniciou despois da Idade Media , conlevou coma o seu nome ben indica, un rexurdir e renacer de todo o arte, música, pintura, escultura...

    Antes de poñernos a bailar, imos investigar nesta época, e deste xeito conseguir viaxar a un tempo lonxano pero moi ben documentado.

    Premede aquí para coñecer un pouco mellor a época que imos estudar.

    Neste outro enlace atoparedes obras de música da época.

    E finalmente premede aquí para visualizar imaxes e vídeos de como vestirían as xentes da época.

Empezamos a Historia da Danza: a Prehistoria

 O movemento e a expresión corporal, igual que a música, especialmente a percusión, son tan antigos e primixenios que con toda probabilidade existiron desde que o ser humano percorreu este planeta, e seguramente xa antes, na nosa fase previa de Homo Sapiens e homínidos. O baile é algo inherente á propia vida, non hai máis que ver as danzas de apareamento que empregan diversas especies para atraer ás súas parellas. Expresamos e sentimos a través del, movemos as emocións e transmitímolas cando as palabras non abondan.

Pintura rupestre Los danzantes de Cogul, 
Roca dels Moros (Cataluña), 7000 a.C.

 As pinturas rupestres atopadas en grutas e covas mostran escenas de danzas rituais relacionadas coa caza, a fertilidade...os ciclos da vida e da natureza. Non temos vídeos como agora, pero podemos tentar imaxinar ese mundo, esa realidade no que a vida en pleno contacto coa natureza, os elementos naturais, os perigos e as inclemencias do tempo eran constantes. A procura da comida, o lume, as tormentas que caían sobre fogares moito menos resistentes ca os nosos, as enfermidades e a morte que se levaban ós membros da tribo sen solución... Imaxinade un mundo sen electricidade, sen hospitais nin médicos, un mundo completamente escuro polas noites excepto pola existencia dun elemento fundamental: o lume. 

A vestimenta para o baile renacentista: Rostiboli Giogioso

Viaxemos no tempo!, e para iso compre disfrazarse!
A mellor maneira de coñecer a vestimenta da época renacentista é botar unha ollada ós cadros e pinturas daquel entón, así como as ilustracións dos manuais de danza, que como xa sabedes naceron no Renacemento.

...e máis traxes tradicionais de Grecia!

Aquí tedes novas ideas para o vestiario do baile Menousis, que está practicando 2ºESO e que representaremos para a semana. 

Inspirádevos nas fotografías e usade a creatividade para transformarvos!

A danza tradicional en Grecia!

Viaxando no tempo: o Renacemento!

"Home de Vitrubio", debuxo de Leonardo da Vinci

 No século XV e XVI, despois da escura Idade Media e antes do mundo moderno, aconteceron unha serie de transformacións artísicas, culturais, científicas e sociais que coñecemos como o Renacemento. 

Dos bailes tradicionais ó Rock'n Roll!

       Estes días estamos empezando coa expresión corporal e o movemento, e na optativa de 4º, en concreto, interpretando un baile tradicional de Cuzco e unha coreografía de Rock'n Roll clásico. Danzas ben distanciadas no estilo pero que á vez comparten moito! Velaquí podedes repasar os pasos do baile de Cuzco, interpretado polo alumnado do CPI Laureano Prieto (A Gudiña)

     E neste outro vídeo podedes ver a coreografía orixinal de Elvis para o seu "Jailhouse Rock", da película homónima filmada en 1975:

Grease vs. Thriller

             Non vos perdades a curta realizada por 1ºBach do IES Carlos Casares!
            Unha homenaxe ó musical Grease e o videoclip de Michael Jackson, "Thriller"

Entroido na Gudiña!

 

          Despois destas datas cheas de celebracións e festexos, xa están aquí os vídeos resumo e as fotografías do Xoves de Comadres e as actividades organizadas desde CPI Laureano Prieto, e tamén as imaxes do venres e o desfile de Disfraces!

Festival de Nadal no IES Santiago Basanta Silva

               O pasado decembro do 2011 celebrouse o Festival de Nadal no IES Santiago Basanta Silva. Despois da actuación da contacontos Raquel Queizás, comezaron o evento o grupo de danza de alumnas de 2º da ESO, cun baile creado por elas mesmas coa canción "Alejandro" (Lady Gaga)

          

Todo un curso de música

         No IES Carlos Casares e o CPI Laureano Prieto a creatividade abriuse camiño durante o 2010-2011. Hoxe recordámolo cos vídeos das actuacións de música, danza, teatro...Velaquí están!

Festival de Nadal do CPI Laureano Prieto e IES Carlos
Casares

                                                                                     Recital Día das Letras Galegas CPI Laureano Prieto