As figuras e os silencios musicais

 Estes días estivemos repasando na aula as figuras e silencios musicais, que como sabedes son as que deciden a medida ou o tempo que dura cada son (ou cada silencio)

As figuras teñen as súas partes diferenciadas:

As que imos estudar en Música van desde a redonda (4 tempos) ata a semifusa (1/32 tempo), pero seguramente na no sa práctica chegaremos como moito a interpretar ata a semicorchea (1/4 tempo)

As notas musicais

 Estes días estamos aprendendo e repasando as notas da escala musical, empezando neste caso na nota LA3 (representada tamén como <LA,>, o LA grave que está por debaixo do DO central) e que aparece ó principio deste pentagrama, despois da clave de Sol.

E chegando ata o DO6, o DO dúas oitavas máis agudo que o DO central (representado tamén como DO")  e que podes ver ó final deste pentagrama.

Se queres seguir aprendendo máis sobre as notas, como identificalas e colocalas no pentagrama, podes practicar AQUÍ diferentes xogos.

Experimenta e repasa coas notas, figuras e silencios musicais!

 Hoxe imos dedicar un pouco de tempo a repasar aqueles conceptos que estivemos vendo nestas primeiras semanas de curso: a notas musicais, as figuras e os silencios. Son a base da linguaxe musical, os ingredientes principais cos que poderemos compoñer música, así que adiante! Preme nas imaxes e vai probando os diferentes xogos:

• Atrapa as notas

Linguaxe musical: ritmo, pulso e acentos, os compases de subdivisión binaria

En Música, chamamos pulso á unidade básica para medir o tempo, son como golpes constantes que están na base das cancións (poden ser máis rápidos, lentos, intermedios...dependendo da velocidade da peza, que se chama Tempo) 

Para identificar o pulso dunha canción proba a dar golpes constantes coa man ou o pé (non te pases coa forza!)

Cando se fai música, colocando os acentos créanse patróns ou secuencias repetitivas con estes pulsos. por exemplo:

1. acentuando o primeiro de cada 2 (ritmo binario, compás de 2/4), 
2. acentuando o primeiro de cada 3 (ritmo ternario, compás de 3/4) 
3. ou acentuando o primeiro de cada 4 (ritmo cuaternario, compás de 4/4)

 

Xogar coa música

As calidades do son, a altura-duración-intensidade-timbre, non son unicamente palabras baleiras que os profes repiten cada curso...en realidade permítennos modificar os sons e xogar con eles, incluso crear as nosas propias melodías. 
 

Tomade nota, porque con estas claves convertirédesvos en expertos compositores!

Seguro que coñecedes xa a base sobre a cal escribimos música: 

o pentagrama.

 Pero podemos facer moito máis que escribir 

notas e figuras nun pentagrama...

As calidades do son

¿Podemos analizar un son igual que se analiza unha partícula nun miscroscopio...?

Si, porque se trata de ondas sonoras que se transmiten nun medio, totalmente mensurables. Podemos empezar por describir as súas calidades, ¿recordades cales son?

Na seguinte pantalla interactiva poderedes escoitar exemplos de sons con diferentes características:

Musicogramas

A música pode expresarse de múltiples maneiras, non só a través de partituras convencionais. Os musicogramas son un xeito creativo e infinito de transmitir contidos musicais. Mirade os seguintes exemplos:

"A mañá", de Peer Gynt (Eduard Grieg)

As calidades do son 1

Agudo, grave; forte, débil...sóache? 

Repasamos as calidades do son con este cuestionario:

...ou con este QUIZ:

Linguaxe musical 3

Con "Teachers invaders" trátase de, efectivamente, acabar cos profes! Pero coidado, para conseguilo vas ter que responder preguntas de linguaxe musical. 

Preparado?, a xogar!

Linguaxe musical 2

Papageno e Papagena, os personaxes da ópera "A frauta máxica", de Mozart, explícannos e póñennos exercicios de linguaxe musical, nunha animación moi lograda! 

Descúbreos aquí:

Completar compases

Antes de poder compoñer música é moi importante coñecer os compases e que figuras caben en cada un deles. 

Se premes na seguinte imaxe accederás a un recurso para poder comprobar se xa o dominas. Na parte de arriba, na "i" de información, podes ver o teu progreso.

Adiante!

As notas musicais

Co xogo "Atrapa las notas" practicarás o nome das notas, seguro que xa non se che esquecerán!

Preme na imaxe, elixe o teu nivel e a xogar!

E tamén un Simon musical! 

Usa os teus reflexos para premer nas cores. 

Fíxate como irás reproducindo melodías, pois cada cor soa como unha nota distinta:

Linguaxe musical 1

A música é a linguaxe universal! 

Podemos comunicarnos con xente que fale outros idiomas, de calquera parte do planeta (ou de outros...) porque tod@s compartimos a música. E para iso, nada mellor que aprender ben o abecedario deste código aberto e directo ás emocións: as notas, as figuras e silencios...

a LINGUAXE MUSICAL!

Ademais do que vemos en clase, hai unha chea de recursos en rede para que poidades asentar os vosos coñecementos e practicar divertíndovos! 

Preme na seguinte imaxe, elixe o teu xogo e empeza!